Novas

Triunfo total das Balas do Maderas Barcia Lourenzá nas carreiras de menores na VI carreira das Poleas disputada na localidade asturiana de Tapia o pasado sábado 2 de Abril.

CATEGORÍAS:

PREBENXAMÍN FEMININO: 1- Sheila López.

BENXAMÍN MASCULINO: 1- Aarón Millares.

BENXAMÍN FEMININO: 1.- Iria Rguez. 2.- Aroa Glez.

ALEVÍN MASCULINO: 1.- Ian Méndez.

O Concello de Lourenzá, a través da biblioteca pública, súmase ós actos do Día Internacional do Libro Infantil e Xuvenil mañá, sábado, 2 de abril, xornada na que se conmemora o nacemento do escritor Hans Christian Andersen.

Dous cursos de aplicador de produtos fitosanitarios organizados polo Concello de Lourenzá empezan mañá, sábado, día 2. Contan con un total 60 participantes, 30 en cada un, polo que se cubriron todas as prazas que había. Ademais quedaron algunhas persoas en lista de espera para outra actividade formativa dedicada a este mesmo tema que se celebrará en Lourenzá nos vindeiros meses e para o que se seguen recollendo inscricións.

O salón de actos da Casa do Concello de Lourenzá acollerá o vindeiro martes, 5 de abril, unha conferencia sobre o adorno prehistórico e as xoias áureas na antiga Gallaecia a cargo da directora do Museo Provincial de Lugo, Aurelia Balseiro García. Será ás seis da tarde e a continuación da charla inaugurarase unha exposición da colección de ourivería antiga do Museo Provincial, que estará aberta na sala de exposicións municipal ata o 2 de maio e poderá visitarse de luns a venres en horario de cinco a oito da tarde.

O salón de actos da Casa do Concello de Lourenzá acollerá en abril o Mes do Teatro con catro espectáculos. O primeiro será este domingo 3 e o último está programado para o día 24. Todas as representacións empezarán ás oito da tarde. Anunciouno hoxe a alcaldesa, Rocío López.

CARME ALONSO VENCE NA XII CARREIRA POPULAR FEIRA DO VIÑO DE QUIROGA 2016

O pasado venres desprazábanse varias balas das Escolas á carreira popular con motivo da feira do viño de Quiroga. Vencía na Categoría Infantil Feminino CARME ALONSO. Ademáis participaron Xabi Sordo, Marcos Graña, Cecilia Gómez, Claudia Graña e Marta Alonso.

Autoridades municipais, persoal do Concello e outros veciños de Lourenzá participaron nunha concentración para condenar os atentados terroristas de Bruxelas celebrada na entrada da casa consistorial.

Durante o acto os asistentes gardaron un minuto de silencio como mostra de solidariedade do pobo laurentino co belga. Ademais dende a mañá de onte as bandeiras da Casa do Concello ondean a media asta en memoria das vítimas dos atentados.

Os atletas das escolas do Maderas Barcia seguen colleitando grandes resultados aló onde se desprazan. Onte domingo en As Pontes Henar Méndez e Ana Vallines adxudicábanse o título nas categorías benxamín e infantil, respectivamente.

Henar gañaba en benxamín con un tempo de 2 minutos un percorrido de 600 metros, mentres Ana percorría como campiona na infantil 1,200 en 4 minutos e 32 segundos.

Os presupostos do Concello de Lourenzá para este ano 2016, que foron aprobados onte pola corporación municipal, ascenden a 1.825.000 euros.

Tal e como se decidiu unha vez rematada a edición do Lourenzá en Xogo 2015, o torneo terá unha continuidade bianual.