A alcaldesa de Lourenzá, Rocío López, lamenta o retraso da Xunta de Galicia no arranxo de dúas pontes que están derruídas dende as riadas que houbo en outubro de 2014. Unha é a de Gallardo, na parroquia de San Adriano, e a outra está no lugar de Combre, en Santo Tomé.
A biblioteca municipal de Lourenzá acolleu a entrega dos premios da fase local do certame de poesía infantil Nadal 2015. Ao acto asistiron a alcaldesa, Rocío López García, e o concelleiro de Cultura, Manuel Arango Ron.
Os premiados son Diego Huertas Rivas, Nerea Álvarez Valea, Adriana Polo González e Antía Lillo Irimia.
A Concellería de Cultura de Lourenzá organiza para a tarde do día 10 de febreiro, mércores, unha xornada de xogos de mesa onde os nenos e nenas a partir de 5 anos de idade poderán gozar dende as 17 horas con parchís, oca, futbolín, etcétera. Así mesmo levarase a cabo un orixinal xogo de bingo con premios moi interesantes.
Esta actividade está dirixida ós nenos e nenas a partir dos 5 anos e preténdese que os participantes pasen unha tarde das vacacións de Entroido entretida .
Triunfos con trofeo e vale de 50 euros en material deportivo para Henar Méndezen Prebenxamín Feminino, Ainara Rguez. en Infantil Feminino e Nicolás Álvarez en Infantil Masculino e Subcampionato con trofeo para Iria Rguez. en Benxamín Feminino. O pasado sábado á tarde, despois de competir pola mañá na preparatoria de campo a través, varios representantes das escolas do Maderas Barcia Lourenzá non quixeron perderse esta tradicional proba; na que tamén destacaron ademáis Diana Lastra, Valeria Álvarez, Xabi Sordo, Aarón Millares e Ian Méndez.
O Concello de Lourenzá organiza o primeiro campionato de parchís por parellas para adultos que se desenvolverá na biblioteca municipal. O prazo de inscrición para participar remata o 5 de febreiro.
Os interesados en participar poden anotarse na propia biblioteca municipal en horario de 5 a 8 da tarde.
A corporación municipal de Lourenzá celebrará un pleno ordinario mañá, xoves, ás 20:30 horas, sesión na que se examinarán as alegacións presentadas ao regulamento de participación cidadá.
Codearonse os equipos benxamín e infantil feminino coa élite de Galicia o pasado sábado en Riazor.
En Benxamín Feminino (Emma García, Noemí Huertas, Iria Rguez, Noa Valiña, Henar Méndez e Aroa Glez) a actuación laurentina foi a seguinte:
50 lisos: Emma 12ª con 10,83. Noemí 4ª con 9,45.
500 lisos: Henar 7ª con 1,57 e Aroa 2ª con 1,53.
1000 lisos: Iria 1ª con 3,58. Noa 6ª con 4,29.
Dous equipos das Escolas están clasificados para a Final da Liga Galega Federada de Atletismo. O equipo Benxamín e o Equipo Infantil loitarán mañá sábado en Riazor por equipos xunto ás mellores escadras de Galicia.
O pasado sábado desprazaronse a Lugo varios atletas en edade cadete e xuvenil no 1º Control de Marcas disputado no Módulo Cuberto de Lugo.
Genito Pérez participaba nos 60 lisos(8,20 e 2º de serie) e no salto de altura(1,54), 3º clasificado e marca para o cto. galego.
Nerea Bajatierra facía un gran lanzamento en peso (10,02) sendo a segunda mellor marca do ano en Galicia no ránking 2015/2016 e obviamente marca para o galego.
Galego
Español