Novas

Papá Noel fixo a súa tradicional visita ás instalacións do Centro de Día para persoas maiores e do Punto de Atención a Infancia de Lourenzá. O percorrido rematou na Casa do Concello, onde Papá Noel fixo a súa derradeira parada para falar cos nenos e nenas que o estaban esperando e entregarlles algún agasallo.

Brais e Aleix estiveron no día de onte domingo no Torneo de Atletismo do Diario de Pontevedra, celebrado nas pistas do Centro de Tecnificación da Federación Galega.

Brais quedou 2º en 500 ml mellorando a sua marca e facendo 1.41 min e tamén participou por primeira vez en 60 ml. facendo 10.99 seg.

Aleix 1º en 500 ml repetindo a sua mellor marca de 1.22 min, nunha carreira moi fermosa e disputada e 3º da sua serie e 4º da xeral en 60 ml, con 8.41 seg, rebaixando a sua mellor marca.

A programación das actividades organizadas polo Concello de Lourenzá para este Nadal arranca este venres, día 18, ás 15:20 horas cunha actuación de Títeres Cascanueces no colexio público Juan Rey.

Xa partir da vindeira semana bota a andar a Escola de Nadal impartida por persoal do Ximnasio Municipal con actividades dirixidas aos máis novos.

O Concello de Lourenzá informa que todos aquelas persoas interesadas en acudir aos tratamentos termais a través do programa de Termalismo Social subvencionado polo Imserso poden solicitalo a través da traballadora social do Concello. O lugar de presentación de solicitudes é no Centro de Servizos Sociais O Torreón de luns a venres en horario de 9 a 15 horas.

Resultados Xornada 9 - 13 Decembro 2015

Horarios Xornada 10 - 20 Decembro 2015

Horarios Xornada 11 - 10 Xaneiro 2016