Novas

O Concello de Lourenzá colabora na campaña para promover as doazóns de sangue que leva a cabo o Centro de Transfusión de Galicia. Unha unidade móbil estará fronte á Casa do Concello o vindeiro mércores, día 17.

A alcaldesa, Rocío López, explicou hoxe que “o Concello de Lourenzá e o Centro de Transfusión de Galicia impulsan a participación dos veciños e veciñas nas campañas de doazón de sangue para garantir o labor dos hospitais galegos, que precisan 10.000 doazóns de sangue cada mes”.

No día de onte tivo lugar a presentación dos equipos cadete e xuvenil. No acto estivo presente a Alcaldesa de Lourenzá, Dª. Rocío López e dous representantes dos clubs vinculados. Por parte das escolas estivo o seu presidente D. Pablo Maseda e por parte do Mondoñedo Fc. D. Jesús Basanta. Presentouse o novo proxecto cadete e xuvenil.

Desprazabase o pasado sábado parte da armada da sección de atletismo das Escolas á vila de Ares para participar na súa Prestixiosa Milla no paseo marítimo desta vila mariñeira.

En benxamín feminino, título para Iria Rguez (1,40) en 500 lisos, seguida de Carlota Fontela(Marineda Atlético) e bronce para Henar Méndez (1,45). Participaba tamén Emma García (14ª) dun total de 30 participantes nesta categoría.

En alevín feminino Carmen García 4ª con un tempo de 3,06 nos 800 lisos.

A alcaldesa de Lourenza, Rocío López, anunciou hoxe que acaban de comezar as obras para arranxar dúas pontes do municipio que estaban derruídas desde as riadas que houbera en outubro do ano 2014.

A rexedora municipal explicou que “unha delas é a ponte de Gallardo, na parroquia de San Adriano, e a outra está no lugar de Combre, en Santo Tomé. Para a realización destas obras o Concello firmou un convenio de cooperación coa Consellería de Medio Rural, da Xunta de Galicia.

Onte martes 2 de agosto ás 20:30 presentouse en Sta. Cruz o 1º equipo das Escolas, que militará esta tempada no grupo norte da segunda autonómica. No acto estivo presidindo o Concelleiro de Deportes Francico Dasilva, o presidente do Clube Pablo Maseda, o delegado do equipo José Rguez. así como varios directivos. Conta coas novedades do adestrador Edu Mariño que entrenaba ás categorias inferiores do Viveiro CF , e seguen como ben sabedes na 1ª plantilla renovados:

- Jose A. Bermúdez García (Pichi)

Lourenzá, 2 de agosto de 2016. O Concello de Lourenzá está arranxando seis viarios municipais e nos próximos meses ten previsto mellorar outros máis. Anunciouno hoxe a alcaldesa, Rocío López.

A rexedora municipal explicou que “o Concello de Lourenzá está a acometer os traballos de mellora e arranxo de 6 viarios municipais. Estas obras fanse con cargo á subvención ao abeiro do plan Marco (programa de mellora de camiños municipais de acceso a explotacións agrarias) para o ano 2016, que ascende a 68.360 euros”.

O pasado domingo tivemos 2 representantes das Escolas no tradicional cros de Cabanas en Ferrol. Carmen García impoñíase na categoría de menores (benxamín/alevín) con un tempo de 3,55 sobre un percorrido de 1000 metros polo areal de Cabanas. En segundo lugar entraba Inés López (C.A. Sada) e acompañábaas no pódium Alba Pena de C.A. Narón.

Ademáis a súa compañeira Emma García obtiña a 10ª posición na mesma categoría.

A vindeira cita para a sección será o vindeiro sábado día 6 de agosto participando varios dos seus integrantes na prestixiosa Milla de Ares.

Mañá martes 3 de agosto ás 20:30 horas será a presentación do primeiro equipo do ED Lourenzá, que militará esta tempada no grupo norte da segunda autonómica. Conta coas novedades do entrenador Edu Mariño que entrenaba as categorias inferiores do Viveiro CF , e seguen na 1ª plantilla renovados:

- Jose A. Bermúdez García (Pichi)

- Lucas Bouso Glez (Lucas)

- David Cabaleiro Pérez (Garrafín)

- Adrián Cabaleiro Rivas (Bugui)

- Diego Fdez. Rey (Carri)

- Felipe Glez. Docampo (Feli)

- Diego López Rego (Diego)

- Jorge López Vizcaíno (Jorge)

Nova victoria da atleta do Maderas Barcia Lourenzá Xana Rodríguez nun novo trail, esta vez en plenos pirineos.

A proba discurriu por pistas e sendeiros que unen a vila de Benasque coas localidades de Anciles e Cerler.

A Concellería de Cultura de Lourenzá organiza para a vindeira ponte festiva dúas actuacións musicais coa Banda Migallas e Zenith Cello Dúo. Estes concertos terán lugar o sábado 23 de xullo e o luns 25.

O concelleiro de Cultura, Manuel Arango, anunciou hoxe que “seguindo coa programación cultural que temos para o verán desde a Consellería de Cultura de Lourenzá temos unhas actividades previstas para os próximos días”.