Lourenzá, 13 de novembro de 2015. Os alumnos do obradoiro de emprego Serra da Cadeira II están acondicionando o entorno da fonte da Clara, na parroquia de San Adriano. Estes traballos foron supervisados pola alcaldesa, Rocío López García, e polo concelleiro de Obras, Carlos Rivas Rivas.
Lourenzá, 12 de novembro de 2015. O vindeiro mércores, 18 de novembro, comeza na biblioteca municipal de Lourenzá o programa de actividades de animación á lectura que este centro organiza para nenos e nenas de tres a sete anos de idade.
A alcaldesa de Lourenzá, Rocío López, sinala que “debido á alta participación, que ascende a 20 cativos, e a que os asistentes son de idades diferentes, vanse realizar grupos, quedando as actividades a realizar para as tardes dos mércores e xoves”.
O vindeiro domingo estaremos pendentes e seguiremos a evolución de Ainara Rguez (Infantil) así como de súa irmá Iria(Benxamín) que competirán por primeira vez na súa historia e por primeira vez na historia das Escolas no prestixioso cros internacional de Atapuerca, en Burgos. Ambas percorrerán a distancia de 1000 metros e xunto a elas estará o mellor do panorama nacional das súas categorías. Moita sorte e a disfrutar!!!
Bo partido o desta tarde,sobre todo,unha vez máis,en defensa. 34-54 cos parciais 13-15;3-14;9-12;9-13. As anotadoras foron Laura 6,Ainhoa 9,Maria 12,Marta 12,Andrea,Tania,Iria 2,Raquel,Claudia 2,Carla 11. Empezamos ben en ataque pero imprecisas en defensa,dando moitas segundos tiros,no segundo puxémonos as pilas e só anotaron 3 puntos,logo foi fácil manter a distancia e dar minutos a todas. Destacar as pivots con 12 puntos cada unha e sobre todo Carla,que é junior e saíuse,defendendo atacando e correndo,incluso un triplo ao final,como broche do partido.
Excelentes resultados colleitados polos atletas do Maderas Barcia Lourenzá na prestixiosa Viesgo Nignt Race o pasado sábado en Lugo diante de máis de 1000 participantes de todas as categorías.
Unha nutrida representación colaboraba nesta III Edición a favor do banco de alimentos de Lugo.
En benxamín feminino impoñíase Henar Méndez coa medalla de ouro mentres a súa compañeira Sheila López lograba un meritorio terceiro posto.
A Deputación de Lugo acaba de abrir un novo prazo de solicitude para cubrir 70 postos de traballo do Plan Ben Empregado 2 que quedaron vacantes.Trátase de empregos en todos os sectores e en toda a provincia.
Bases: http://benempregado.deputacionlugo.org/benempregado2.asp
PRAZO DE SOLICITUDES: dende o 9 ao 19 de novembro.
O Concello de Lourenzá organiza un concurso para elaborar o cartel da Cabalgata dos Reis Magos 2016, certame que vai dirixido aos escolares de educación Infantil e Primaria do municipio.
Galego
Español