Novas | Concello de Lourenzá

A CONCELLERÍA DE CULTURA ORGANIZA UNHA TARDE DE XOGOS PARA NEN@S A PARTIR DE 5 ANOS O 10 DE FEBREIRO NA BIBLIOTECA MUNICIPAL

A Concellería de Cultura de Lourenzá organiza para a tarde do día 10 de febreiro, mércores, unha xornada de xogos de mesa onde os nenos e nenas a partir de 5 anos de idade poderán gozar dende as 17 horas con parchís, oca, futbolín, etcétera. Así mesmo levarase a cabo un orixinal xogo de bingo con premios moi interesantes.

Esta actividade está dirixida ós nenos e nenas a partir dos 5 anos e preténdese que os participantes pasen unha tarde das vacacións de Entroido entretida .

O CONCELLO ORGANIZA UN CAMPIONATO DE PARCHÍS POR PARELLAS PARA ADULTOS NA BIBLIOTECA MUNICIPAL. O PRAZO DE INSCRICIÓN PARA PARTICIPAR REMATA O 5 DE FEBREIRO

O Concello de Lourenzá organiza o primeiro campionato de parchís por parellas para adultos que se desenvolverá na biblioteca municipal. O prazo de inscrición para participar remata o 5 de febreiro.

Os interesados en participar poden anotarse na propia biblioteca municipal en horario de 5 a 8 da tarde.

A CORPORACIÓN MUNICIPAL EXAMINARÁ NO PLENO ORDINARIO CONVOCADO PARA MAÑÁ, XOVES, AS ALEGACIÓNS PRESENTADAS AO REGULAMENTO DE PARTICIPACIÓN CIDADÁ

A corporación municipal de Lourenzá celebrará un pleno ordinario mañá, xoves, ás 20:30 horas, sesión na que se examinarán as alegacións presentadas ao regulamento de participación cidadá.

PAPÁ NOEL FIXO A SÚA TRADICIONAL VISITA AO CENTRO DE DÍA PARA MAIORES E AO PUNTO DE ATENCIÓN Á INFANCIA DE LOURENZÁ

Papá Noel fixo a súa tradicional visita ás instalacións do Centro de Día para persoas maiores e do Punto de Atención a Infancia de Lourenzá. O percorrido rematou na Casa do Concello, onde Papá Noel fixo a súa derradeira parada para falar cos nenos e nenas que o estaban esperando e entregarlles algún agasallo.

AS ACTIVIDADES DE NADAL INCLÚEN UN ESPECTÁCULO DE MONICREQUES, A VISITA DE PAPÁ NOEL, UNHA VIAXE A XUVENLUGO E A CABALGATA DE REIS, ENTRE OUTRAS PROPOSTAS

A programación das actividades organizadas polo Concello de Lourenzá para este Nadal arranca este venres, día 18, ás 15:20 horas cunha actuación de Títeres Cascanueces no colexio público Juan Rey.

Xa partir da vindeira semana bota a andar a Escola de Nadal impartida por persoal do Ximnasio Municipal con actividades dirixidas aos máis novos.