Novas

Lourenzá, 5 de marzo de 2013. A alcaldesa de Lourenzá, Emma Álvarez Chao, reuniuse en Santiago coa directora xeral de Patrimonio Cultural da Xunta, María del Carmen Martínez Insua, e analizaron os problemas que ocasiona a variante do Camiño Norte aos propietarios de montes no lugar de San Lourenzo, pertencente á parroquia de San Xorxe. Tamén falaron do compromiso da Xunta para arranxar a fachada da igrexa do mosteiro de San Salvador.

Lourenzá, 4 de marzo de 2013. O Concello de Lourenzá organiza unha exposición e a proxección dunha película para celebrar o Día Internacional da Muller, que se conmemora este venres, 8 de marzo.

Lourenzá, 2 de marzo de 2013. Todos os grupos políticos da corporación de Lourenzá acordaron crear unha comisión que estará formada por representantes municipais e das asociacións para elaborar as proposta de escudo e de bandeira do concello.

Lourenzá, 1 de marzo de 2013. Na mañá de hoxe o presidente de Augas de Galicia, Francisco Menéndez, comunicoulle á alcaldesa de Lourenzá, Emma Álvarez Chao, que os técnicos dese departamento autonómico están pendentes de que baixe o caudal no río Batán ao seu paso por Sendín para poder acometer as obras de arranxo da ponte que atravesa a estrada coñecida como Camiño A. Ese vial resultou danado como consecuencia dos temporais de choiva que houbo no pasado mes de xaneiro.

Ante a preocupación amosada por algúns veciños e veciñas de Lourenzá a raíz da noticia sobre unha posible fusión entre este concello e o de Barreiros, publicada en días pasados, gustaríame aclarar que o goberno municipal non analizou en ningún momento esa posibilidade nin ten previsto facelo.

Lourenzá, 26 de febreiro de 2013. A alcaldesa de Lourenzá, Emma Álvarez Chao, e a técnica de Cultura municipal, María José López Noceda, reuníronse en Santiago co director xeral de Administración Local da Xunta, Norberto Uzal, e con membros do Instituto de Estudos Galegos Padre Sarmiento, entre os que se atopaba o seu director, Eduardo Pardo de Guevara.

Lourenzá, 20 de febreiro de 2013. A alcaldesa de Lourenzá, Emma Álvarez Chao, aclarou esta mañá que o goberno municipal non analizou en ningún momento a posibilidade de fusionar este concello co de Barreiros nin con outro municipio.

Lourenzá, 20 de febreiro de 2013. Na charla informativa celebrada na tarde noite de onte no salón de actos da casa de cultura de Lourenzá, que contou coa asistencia de medio centenar de persoas, a secretaria xeral de Ordenación do Territorio e Urbanismo da Xunta, Encarnación Rivas, e a alcaldesa, Emma Álvarez Chao, explicaron a importancia de solicitar todas as licenzas necesarias diante das administracións antes de facer unha obra.

Lourenzá, 19 de febreiro de 2013. O horario do punto limpo do Concello de Lourenzá cambiou de horario dende onte. Segue estando aberto ao público os luns, mércores e venres pola mañá, pero antes era de 9 a 13 horas e agora é de 10 a 14 horas. Tamén hai un novo número de teléfono de referencia, no que se atende polas tardes cando hai chamadas dalgún interesado os mesmos tres días da semana de 15 a 19 horas e agora o número é o 628.16.41.70.

Lourenzá, 16 de febreiro de 2013. A alcaldesa de Lourenzá, Emma Álvarez Chao, reuniuse en Santiago co conselleiro de Medio Ambiente, Infraestruturas e Territorio, Agustín Hernández, para solicitar a colaboración dese departamento da Xunta en varios asuntos de interese para o municipio.