Novas

Novas do Concello

O CONCELLO TRAMITA DESCONTOS DE ATA O 50% PARA OS ESTUDANTES LAURENTINOS QUE SE DESPRACEN AOS SEUS CENTROS DE ENSINO EN AUTOBUSES DA EMPRESA ARRIVA

A Concellería de Educación do Concello de Lourenzá anunciou hoxe que xa está a tramitar os bonos desconto para todos aqueles estudantes que se despracen aos seus centros de ensino en autobuses pertencentes á empresa Arriva. Os descontos irán dende o 15 por cento de rebaixa para os bonos de 10 viaxes ata o 50 por cento nos bonos de 60 desprazamentos. Ademais, como novidade este ano, as axudas poderán aplicarse a todo tipo de estudantes e non só a universitarios, como viña sendo habitual.

UNHA TRINTENA DE SENDERISTAS DISFRUTARON ESTA FIN DE SEMANA DA ESPECTACULAR RUTA ORGANIZADA POLA ASOCIACIÓN DE SENDEIRISMO TERRAS DE LOURENZÁ POLO COUREL

Unha trintena de senderistas disfrutaron esta fin de semana da espectacular ruta organizada pola Asociación de Sendeirismo Terras de Lourenzá polo Courel (Alto do Couto, Devesa da Rogueira, Formigueiros, Alto do Couto). Aos encantos da Serra do Courel sumouselle un impresionante día para camiñar. A ruta foi duns 12 kms aproximadamente. Ao rematar a ruta os sendeiristas repuxeron forzas cunha comida nun restaurante da zona.

MEDIO CENTENAR DE PERSOAS RECIBIRON EXPLICACIÓNS SOBRE AS VANTAXES DA SILVICUTURA E AS AXUDAS PARA REALIZAR ESES TRABALLOS NOS MONTES

Lourenzá, 23 de outubro. Medio centenar de persoas recibiron explicacións sobre as vantaxes da silvicultura e as axudas das administracións para realizar eses traballos nos montes na charla organizada polo Concello de Lourenzá celebrada este pasado martes. Correu a cargo do xefe do Servizo de Montes da Consellería de Medio Rural en Lugo, Ramón Rozadillas, que foi presentado pola alcaldesa laurentina, Emma Álvarez.

O CONCELLO DE LOURENZÁ CONVOCA UNHA REUNIÓN INFORMATIVA PARA O VINDEIRO XOVES DIRIXIDA A MAIORES DE 18 ANOS QUE DESEXEN PARTICIPAR NUN GRUPO DE ESTUDO PARA PREPARAR AS PROBAS DE ACCESO AO TÍTULO DE GRADUADO EN ESO

O Concello de Lourenzá colabora co proxecto organizado pola entidade coruñesa Espacio Garabatos. Con el, pretende organizar na propia vila laurentina, un grupo de estudo de entre 12 e 15 persoas maiores de idade que desexen prepararse para concorrer ás probas de obtención do título de Graduado en ESO. Para dar a coñecer a iniciativa, o Concello organiza este xoves, 23 de outubro, unha reunión informativa no salón de actos da Casa Consistorial a partir das 20:00 horas.

Distribuir contido