Novas

O Sábado pasado participaba na prestixiosa carreira popular Torre de Hércules en Coruña pertencente ó Circuito de Carreiras Populares "Coruña Corre" obtendo un novo trofeo cunha nova victoria, impoñéndose con un tempo de 5:44 a un ritmo de 3:35 o Kilómetro.

E un día despois participaba no Cross de Oviñana (Asturias) onde se anotaba un novo título por diante de atletas de gran nivel asturianas.

O Concello de Lourenzá acaba de poñer en marcha un sistema que permite aos veciños comunicar incidencias a través dos seus teléfonos móbiles. Foi presentado hoxe pola alcaldesa, Emma Álvarez Chao, e pola concelleira Lupe Flórez Seivane.

O secretario xeral de Cultura, Anxo Lorenzo, e a alcaldesa de Lourenzá, Emma Álvarez, encabezaron esta tarde o primeiro percorrido a pé do ‘Roteiro Literario Francisco Fernández del Riego’, unha iniciativa impulsada pola Consellería de Cultura, Educación e Ordenación Universitaria e o Concello. Segundo explicou Anxo Lorenzo, o obxectivo deste percorrido é honrar o legado dun persoeiro “cun grande espírito de construción cultural”, e “figura clave para o desenvolvemento da identidade de Galicia e da súa cultura” nado hai 102 anos nesta localidade lucense.

O pavillón municipal de Lourenzá acollerá o día 19 do vindeiro mes de abril, domingo, ás 18:30 horas un festival folclórico infantil organizado pola asociación cultural Osorio Gutiérrez.

Ademais do grupo anfitrión, pertencente ao colectivo organizador do evento, participarán O Arco da Vella, de San Miguel de Reinante, e Saíñas, de Xove.

A entrada para asistir a este festival folclórico infantil será gratuíta.

O Pazo de Tovar acolleu varios actos o pasado sábado para celebrar o primeiro aniversario da inauguración da súa rehabilitación, dende a que recibiu máis de mil visitantes. Así o destacou a alcaldesa de Lourenzá, Emma Álvarez Chao, na súa intervención durante a xornada.

O recinto feiral de Lourenzá acollerá a segunda festa gastronómica dedicada ás fabas de Lourenzá con callos o día 02 de Abril, Xoves Santo, a partir das 21:30 horas. Este evento está organizado pola comisión de festas de Santa Cruz 2015 e foi presentado hoxe na Casa do Concello pola alcaldesa, Emma Álvarez Chao; o concelleiro de Deportes e Xuventude, Pablo Maseda; José Cuadrado, Sandra Gómez, Manuel Cajoto e Ramón Iglesias, como integrantes do colectivo organizador.

A alcaldesa de Lourenzá, Emma Álvarez Chao, e o conselleiro de Cultura, Román Rodríguez, asinou o convenio para o Roteiro Literario Francisco Fernández del Riego, que será inaugurado o vindeiro luns, día 30. Na xuntanza tamén falaron da necesidade de rehabilitar o mosteiro de San Salvador e de melloras para o colexio Juan Rey.

O Concello tramita as solicitudes para participar nos campamentos de verán da Xunta de Galicia, segundo deu a coñecer no día de hoxe a concelleira de Educación, Lupez Flórez. Os beneficiarios son os rapaces e rapazas con idades comprendidas entre os 9 e os 17 anos.

A alcaldesa de Lourenzá, Emma Álvarez Chao, deu a coñecer esta mañá as actividades programadas o vindeiro sábado para celebrar o primeiro aniversario da apertura do Pazo de Tovar tras a súa restauración. Haberá un concerto de cantigas de amigo, acceso gratuíto ese día pola tarde ás instalacións e inauguraranse dúas exposicións.

A Xunta de Galicia adxudicará nos vindeiros días as obras de mellora do saneamento ao núcleo de Requeixo, en Lourenzá, o que permitirá iniciar os traballos no mes de xuño para rematalos dentro deste mesmo ano. Así llo confirmou hoxe a conselleira de Medio Ambiente, Territorio e Infraestruturas, Ethel Vázquez, á alcaldesa de Lourenzá, Emma Álvarez, na reunión de traballo que mantiveron.

O Goberno galego realizará un investimento de case 340.000 euros en actuacións de saneamento no Concello de Lourenzá.