Novas | Concello de Lourenzá

ESTE SÁBADO, DÍA 21, INAUGURARASE NO PAZO DE TOVAR UN ESPAZO LÚDICO E EXPOSICIÓN PERMANENTE DE XOGUETES TRADICIONAIS

Este sábado, día 21, inaugurarase no Pazo de Tovar un espazo lúdico e exposición permanente de xoguetes tradicionais.

A CONCELLERÍA DE SERVIZOS SOCIAIS CONMEMORA O DÍA MUNDIAL CONTRA O CANCRO DE MAMA CUNHA MERENDA SOLIDARIA ESTE XOVES, DÍA 19, NO CENTRO SOCIAL TORREÓN DOS FRADES

Este xoves, dá 19 de outubro, terá lugar unha merenda solidaria no Centro Social Torreón dos Frades ás 18:00 horas con motivo do Día mundial contra o cancro de mama. Está organizada pola Concellería de Servizos Sociais.

Na merenda solidaria haberá mantecadas e chocolate para todos os asistentes e os donativos serán entregados a Asociación Española Contra o Cancro. O Concello de Lourenzá agradece a colaboración de Pastelería Cabaleiros, que contribúe aportando as mantecadas para a merenda.

DEZASEIS GRUPOS PRESENTARON AS SÚAS OBRAS AO PRIMEIRO CERTAME DE TEATRO AFECCIONADO CONCELLO DE LOURENZÁ

Lourenzá, 11 de outubro de 2017. Dezaseis grupos presentaron as súas obras ao primeiro certame de teatro afeccionado Concello de Lourenzá. A próxima semana un xurado, formado por sete veciñas e veciños de Lourenzá e presidido polo concelleiro de Cultura, Manuel Arango, seleccionará as oito obras que participarán no evento.

AGRADECEMENTO DO EQUIPO DE GOBERNO DE LOURENZÁ - FESTA DA FABA 2017

Moitas, moitísimas grazas ao pobo de Lourenzá.

Un ano máis celebrouse con enorme éxito unha nova edición de Festa da Faba.

Que sirvan estas liñas para agradecer a participación, a colaboración e o civismo que ano tras ano vén demostrando o noso pobo cando se celebran este tipo de eventos no noso municipio.

A FABEIRA DA PARROQUIA DE SANTO TOMÉ GEMA IGLESIAS RECALDE CONSIDERA “UN HONRA” SER A PROGOEIRA DA FESTA DA FABA 2017

Lourenzá, 22 de setembro de 2017. A fabeira da parroquia laurentina de Santo Tomé Gema Iglesias Recalde, que foi a primeira presidenta do Consello Regulador da Faba de Lourenzá, considera “un honra” ser a pregoeira da Festa da Faba 2017. O acto celebrarase na Praza do Conde Santo o día 30 deste mes, sábado, ás 12 do mediodía.