A alcaldesa de Lourenzá, Rocío López, e o concelleiro de Cultura, Manuel Arango, entregaron os premios do primeiro campionato de parchís por parellas para adultos organizado polo Concello de Lourenzá e que se celebrou na biblioteca municipal.
Lourenzá, 3 de xuño de 2.016. O Concello de Lourenzá felicita ao equipo feminino infantil de patinaxe das escolas deportivas municipais por proclamarse subcampión provincial.
A Concellería de Deportes de Lourenzá quere dar os parabéns e felicitar ás integrantes do equipo feminino infantil de patinaxe das escolas deportivas municipais así como a súa monitora, Tania Irimia, polo seu recente éxito en Xove, onde se proclamaron subcampioas provinciais desta disciplina.
O Concello de Lourenzá convoca reunións nas parroquias a partir de mañá, xoves, para informar sobre o funcionamento do Regulamento de Participación Cidadá e iniciar o proceso para elixir ás Comisións Veciñais.
A alcaldesa de Lourenzá, Rocío López, aclarou esta mañá que o soldo que percibirá o segundo tenente de alcalde pola súa dedicación parcial, de 400 euros brutos ao mes, cóbrese coa redución de salario da actual rexedora respecto ao que tiña a anterior alcaldesa, baixada que xa se aplicou ao inicio do actual mandato municipal. Dende ese momento o Concello tamén aforra a totalidade do soldo que cobraba o tenente de alcalde do anterior goberno local.
A corporación municipal de Lourenzá celebrará un pleno ordinario mañá, martes, día 31, ás 20:30 horas. Nesta sesión tratarase unha proposta da Alcaldía para o recoñecemento da dedicación parcial da segunda tenencia de alcaldía, que se ocupa das delegacións de Obras, Urbanismo, Infraestruturas e Tráfico.
Galego
Español