A alcaldesa de Lourenzá, Rocío López García, vén de emitir un bando sobre os cortes de tráfico motivados pola celebración da XXV Festa da Faba e dos festexos do San Marcial deste fin de semana, concretamente os días 2,3 e 4 de outubro.
Lourenzá, 29 de setembro de 2015. O Concello de Lourenzá está ultimando os preparativos para a celebración da 25ª edición da Festa da Faba esta fin de semana, do venres 2 ao domingo 4. Durante estes tres días haberá numerosas actividades, como degustacións, mercados, pregón, exposición, competicións deportivas, actuacións musicais e ruta de tapas nos establecementos hostaleiros da vila.
O primeiro mercado de venda de fabas de Lourenzá da tempada, celebrado esta mañá, en Vilanova contou cuns 30 produtores.
O cartel da XXV edición da Festa da Faba de Lourenzá, obra do artista alfocense Hipólixo Xeada, foi presentado hoxe pola alcaldesa, Rocío López García; o concelleiro de Cultura, Manuel Arango Ron; e o edil de Festas, Francisco Dasilva Rivas. O festexo, que se celebrará do 2 ao 4 de outubro, será pregoado polos laurentinos Xosé López González e José María García Fernández. Ademais o goberno local anunciou hoxe que o primeiro mercado semanal de venta de fabas desta tempada desenvolverase o vindeiro domingo, día 27.
A corporación municipal de Lourenzá aprobou un regulamento de participación cidadá na sesión ordinaria celebrada onte, xoves. Isto permitirá que os veciños teñan voz nos plenos, segundo destacou a alcaldesa, Rocío López.
A rexedora explicou que “o máis importante deste regulamento é a creación de comisións veciñais en todas as parroquias e normas de funcionamento das asembleas veciñais. Tamén recolle a creación dun rexistro municipal de asociacións e as liñas básicas da información municipal”.
Galego
Español