Lourenzá, 11 de agosto de 2014. O pleno ordinario da corporación municipal de Lourenzá correspondente a este mes de agosto celebrarase o xoves día 14 ás 12:30 horas. A portavoz do goberno local, Lupe Flórez Seivane, explicou que esta sesión “tería que celebrarse o venres, pero xa que é día festivo os tres grupos que compoñemos a corporación acordamos celebralo o día inmediatamente anterior”.
No día de onte presentáronse os equipos de futbol Infantil e Cadete que competirán esta tempada baixo as siglas das E.D. Lourenzá Mondoñedo en Liga Provincial.
Tamén coñecimos ós que serán os seus adestradores. Michael Sante adestrará ó equipo de fútbol Infantil mentres que Brenan Rivas farase cargo do equipo cadete, que causa alta na liga despois de varias campañas nos que na categoría cadete só competíamos en fútbol sala.
Lourenzá, 7 de agosto de 2014. Concluíron as obras de restauración da ra situada na praza do Conde Santo, de Lourenzá. O traballo foi realizado pola laurentina Ana Belén Barreira Oural, de Manualidades Edra, que está foi satisfeita por facer esa labor.
Lourenzá, 6 de agosto de 2014. Os veciños de Lourenzá xa poden tramitar nas oficinas municipais os cambios de domicilio nos seus permisos de condución e circulación, evitando así ter que desprazarse a Lugo. A medida foi posta en marcha polo Concello o pasado luns, día 4 de agosto, despois de firmar un protocolo de adhesión a un convenio entre a Federación Española de Municipios e Provincias e a Dirección General de Tráfico.
O vindeiro xoves día 7 de Agosto ás 20:00 horas en Sta. Cruz están convocados para facer a presentación oficial de campaña os xogadores das Escolas de idade infantil, cadete e xuvenil. Aquí coñecerán ós que serán os seus adestradores e delegados para esta vindeira temporada así como os horarios de adestramento.
Este ano aparece como nova alta o equipo de fútbol cadete, que competirá como o infantil e xuvenil na liga provincial.
En dous frentes estivo representada a sección de atletismo das Escolas Deportivas.
Dunha banda Martín Pardiñas desprazabase a Asturias para participar en Somiedo dunha proba de gran dureza física e de montaña:
DESAFIOSOMIEDO, proba a cal aporta puntos de cualificación para "Ultra-Trail du Mont-Blanc" e conta cun percorrido de 46km e 5.000m de desnivel acumulado, coroando picos de máis de 2.000m de altitude
Onte domingo día 03 de Agosto de 2014, as Asociacións de Sendeirismo Terras de Lourenzá e Pasada das Cabras de Burela viviron unha xornada de convivencia espectacular. A ruta en sí consistiu nunha camiñata duns 15 km e de dificultade media polos montes de A Cazolga, subindo ata o Alto de Verín para disfrutar das fantásticas vistas que nos ofrece este punto.
Lourenzá, 1 de agosto de 2014. O Concello puxo onte o punto e final ao curso do Punto de Atención á Infancia (PAI) Meniños, de Lourenzá. Fíxoo celebrando unha xornada de convivencia cos nenos que formaron parte deste centro educativo no curso 2013/2014. Os cativos de 0 a 3 anos, acompañados por familiares e as coidadoras, puideron gozar dunha tarde repleta de actividades na área recreativa da Cazolga.
Lourenzá, 31 de xullo de 2014. O Concello de Lourenzá presentou hoxe a súa XVIII edición do Concurso de Fotografía Festa da Faba para este ano 2014. Os traballos poderán presentarse, por correo ou en persoa, nas oficinas municipais ata o día 22 de setembro. As fotografías deberán basearse na temática Terras da Faba e o gañador recibirá un premio de 500 euros. No acto de presentación estiveron a alcaldesa de Lourenzá, Emma Álvarez; o concelleiro de Medio Ambiente, Antonio Reigosa, e a concelleira de Cultura e Turismo, Lupe Flórez.
Lourenzá, 31 de xullo de 2014. O Concello de Lourenzá puxo onte punto e final a súa programación lúdica dirixida a nenos de entre 4 e 9 anos. Así o anunciou a súa concelleira de Educación e Cultura, Lupe Flórez Seivane, quen recordou que a partir de agora e durante todo o vindeiro mes de agosto, continuarán as actividades deportivas enfocadas a rapaces maiores de 10 anos.
Galego
Español