Novas

No día de onte foi presentado o Atleti 2013/2014. No acto estiveron presentes, ademáis dos xogadores da plantilla e directiva a Alcaldesa de Lourenzá Dª. Emma Álvarez e o Presidente das Escolas e Concelleiro de Deportes Pablo Maseda.

Lourenzá, 30 de xullo de 2013. Unha avogada experta en temas forestais explicará ós propietarios do monte pro indiviso das Louseiras, en Canedo, como acceder ao diñeiro que a empresa Red Eléctrica pagará polo paso da liña Boimente-Pesoz. A xuntanza será o día 9 de agosto, venres, ás 21:00 horas.

Lourenzá, 29 de xullo de 2013. Mañá, martes, empezarán as obras de arranxo da ponte de Sendín, sita no vial coñecido como Camiño A ao seu paso por encima do río Batán, “grazas ó apoio que a Xunta de Galicia brinda ó Concello de Lourenzá”, destacou hoxe a alcaldesa, Emma Álvarez Chao, quen anunciou que a estrada estará cortada ao tráfico mentres se executen os traballos.

Lourenzá, 27 de xullo de 2013. A comisión de goberno do Concello de Lourenzá adxudicou a xestión da cafetería do centro de servizos sociais, que está no Torreón do mosteiro de San Salvador, e as obras para mellorar e aforrar enerxía nos alumeados públicos do Pedrón e Villapol.

Respecto ao bar do centro social a alcaldesa, Emma Álvarez Chao explicou que “había unha única proposta, a cal se lle adxudicou, e ten un proxecto bastante atractivo baseado en actividades para nenos, mozos e as persoas maiores, que é unha parte fundamental”.

Lourenzá, 26 de xullo de 2013. O Concello de Lourenzá sumouse hoxe á iniciativa da FEGAMP e organizou para este mediodía unha concentración de cinco minutos en silencio perante á Casa Consistorial polas vítimas do accidente ferroviario de Santiago.

A alcaldesa laurentina, Emma Álvarez Chao, expresou que “o triste suceso acontecido na tarde noite do pasado mércores tinguiu de tristura o Día de Galicia e mantén consternado a todo o planeta e, como non podía ser doutro xeito, tamén ós veciños de Lourenzá”.

FÍXOSE A RUTA LITERARIA DEDICADA A FERNÁNDEZ DEL RIEGO E LEUSE O MANIFESTO QUE PROCLAMARA O ILUSTRE ESCRITOR LAURENTINO EN 1931.

Lourenzá, 24 de xullo de 2013. O Día de Galicia celébrase mañá en Lourenzá coa lectura dun manifesto que o escritor laurentino Francisco Fernández del Riego proclamou no concello no ano 1931. Tamén se repetirá o Roteiro Literario, que o pasado 17 de maio non puido facerse debido ao mal tempo.

Lourenzá, 23 de xullo de 2013. A charla informativa sobre a liña eléctrica Boimente-Pesoz ao seu paso por Lourenzá resultou moi interesante, segundo a alcaldesa, Emma Álvarez, quen lembrou que se organizou para satisfacer a petición realizada polos propios veciños.

Isabel Picoaga logrou unha medalla de bronce o pasado domingo na VI Ruta da Auga celebrada en Betanzos, a pesar de ser a súa primeira participación nunha proba deste estilo sobre un total de 45 kilómetros. Ademáis, sobre esta distancia rematou en 8ª posición Diego Vidal con un fenomenal tempo. Sobre 85 kilómetros destacar a 20ª posición de Javier Legide con un crono de 5 horas e 15 minutos. Participaron ademáis José Luís Falcón, J. Ramón Rguez, Juan José Longarela e Jorge Doural; rematando todos entre os 200 primeiros de un total de 400 participantes.

Proeza sen límites dos "papás" das nosas figuras do atletismo na carreira de montaña de A Pontenova este pasado domingo. Sobre unha distancia de 19 kilómetros 150 metros tiveron que superar un desnivel real de 443 metros con unha pendente de 5665 metros. Xoan Manuel Rguez(15), José Carlos Díaz(19), Marcos Rguez(27) e Luís Graña(41); todos lograron entrar entre os 50 primeiros nunha proba durísima con rampas que chegaron ó 26% de desnivel.