Novas

Novas do Concello

Traballos presentados ó Concurso Escolar de Fotografía, dedicado á natureza na Mariña de Lugo, e celebrado en conmemoración do Día Mundial do Medio Ambiente

A continuación tedes un enlace para ver os traballos presentados ó Concurso Escolar de Fotografía, dedicado á natureza na Mariña de Lugo, e celebrado en conmemoración do Día Mundial do Medio Ambiente. Desde aquí queremos aproveitar para dar as grazas a todos os que participaron nesta iniciativa.

O Concello organiza campamentos de verán para os meses de xullo, agosto e setembro. O prezo para toda a tempada é de 15 euros e o prazo de inscrición está aberto ata o día 27 deste mes

Lourenzá, 18 de xuño de 2013. O Concello de Lourenzá acaba de abrir o prazo de inscrición para os campamentos de verán, que acollerán a nenos e rapaces de 5 a 16 anos durante os meses de xullo, agosto e setembro ata o inicio do curso escolar. Terán un prezo total, para todo o verán, de 15 euros e o prazo para anotarse rematará o día 27 deste mes de xuño, xoves. Anunciouno hoxe a concelleira delegada de Educación e Cultura, Lupe Flórez Seivane.

O Concello e ACIAL convocan por primeira vez un concurso para o cartel da Festa da Faba deste ano, que se celebrará os días 5 e 6 de outubro. O certame é para nenos e rapaces de ata 16 anos e o prazo para presentar os traballos remata o 20 de xullo

Lourenzá, 17 de xuño de 2013. O Concello de Lourenzá xunto coa asociación de comerciantes, industriais e autónomos do municipio (ACIAL) acaban de convocar un concurso de carteis co gallo da 23ª Festa da Faba, que vai ter lugar a primeira fin de semana de outubro deste ano. É a primeira vez que se organiza un certame para a elaboración do cartel anunciador deste festexo, imaxe que van levar tamén os programas, os dípticos de man e os demais materiais que se utilicen para anunciar o evento. Anunciouno hoxe a concelleira de Cultura, Lupe Flórez Seivane.

O equipo de baloncesto feminino foi recibido hoxe na Casa do Concello como homenaxe polo ascenso á Primeira División Nacional

Lourenzá, 15 de xuño de 2013. O equipo de baloncesto feminino foi recibido hoxe na Casa do Concello como homenaxe polo ter logrado o ascenso á Primeira División Nacional. No acto a alcaldesa, Emma Álvarez Chao, falou do pasado, do presente e do futuro do club e destacou que o deporte é un dos grandes escaparates do municipio.

Empezou a traballar a comisión creada para elaborar o escudo do concello da que forman parte representantes políticos e das asociacións do municipio

Lourenzá, 14 de xuño de 2013. A comisión creada para elaborar o escudo do Concello de Lourenzá, formada por representantes políticos e das asociacións dos municipio, celebrou a primeira xuntanza de traballo, na se formularon varias propostas. Contou coa presenza do presidente e do vicepresidente da Comisión Heráldica da Xunta de Galicia, Norberto Uzal e Eduardo Pardo de Guevara.

O equipo de goberno levará a pleno unha moción para instar á Deputación de Lugo a que conceda de novo unha subvención de 4.000 euros á Festa da Faba, tal e como viña facendo desde o 2007

Lourenzá, 13 de xuño de 2013. O equipo de goberno levará a pleno unha moción para instar á Deputación de Lugo a que conceda de novo unha subvención de 4.000 euros á festa da faba, tal e como viña facendo desde o 2007, pero que o ano pasado se viu reducida a 1.000 euros.

Catro laurentinos foron premiados na fase provincial do Certame das Letras Galegas 2013

Lourenzá, 13 de xuño de 2013. Catro escolares de Lourenzá resultaron premiados na fase provincial do certame das Letras Galegas 2013, cuxa temática era A toda máquina.

Os galardoados son María Sánchez Villalba, co segundo premio na categoría A de debuxo; Jerom Moirón Trigo, con accésit na categoría A de narración; Javier Álvarez Méndez, co segundo premio na categoría B de narración; e Antía Lillo Irimia, con accésit na categoría B de narración.

As actividades para conmemorar o Día do Medio Ambiente remataron coa entrega de premios do Concurso Escolar de Fotografía e a charla do profesor Miguel Delibes de Castro

Lourenzá, 12 de xuño de 2013. As actividades celebradas en Lourenzá dende o día 1 deste mes para conmemorar do Día do Medio Ambiente remataron onte cun acto no que se entregaron os premios do concurso escolar de fotografía e houbo unha charla sobre a natureza a cargo do profesor do Consejo Superior de Investigaciones Científicas (CSIC) Miguel Delibes de Castro. Desenvolveuse no salón de actos da Casa do Concello, que estivo ateigado de público.

A Xunta axudará ao Concello para reparar unha ponte da parroquia de Santo Adrao que corre risco de derrubamento. A alcaldesa abordou este asunto en Santiago coa Conselleira do Medio Rural

Lourenzá, 12 de xuño de 2013. A alcaldesa de Lourenzá, Emma Álvarez Chao, reuniuse hoxe en Santiago coa conselleira de Medio Rural, Rosa Quintana, e co secretario xeral Tomás Fernández Couto, para solicitarlles axuda da Xunta para reparar unha ponte da parroquia de Santo Adrao que corre risco de derrubamento. A administración autonómico colaborará co Concello para a execución da obra, segundo anunciou a rexedora municipal, quen tamén falou cos responsables de Medio Rural sobre a creación da cooperativa comercializadora da Faba de Lourenzá.

As actividades conmemorativas do Día do Medio Ambiente no Concello rematarán mañá, martes, coa entrega dos premios do concurso de fotografía e a continuación unha charla a cargo do profesor Miguel Delibes de Castro

Lourenzá, 10 de xuño de 2013. As actividades para conmemorar o Día do Medio Ambiente no concello de Lourenzá rematarán mañá, martes, coa entrega de premios do concurso escolar de fotografía sobre a natureza na Mariña lucense e a continuación unha charla a cargo do profesor Miguel Delibes de Castro. Será ás oito da tarde no salón de actos da Casa do Concello.