O Concello de Lourenzá informa que todos aquelas persoas interesadas en acudir aos tratamentos termais a través do programa de Termalismo Social subvencionado polo Imserso poden solicitalo a través da traballadora social do Concello. O lugar de presentación de solicitudes é no Centro de Servizos Sociais O Torreón de luns a venres en horario de 9 a 15 horas.
A alcaldesa de Lourenzá, Rocío López, critica o retraso da Xunta de Galicia na execución das obras de arranxo de dúas pontes do municipio que están derruídas dende as riadas que houbo en outubro do ano 2014. A rexedora e o concelleiro de Desenvolvemento Rural, Miguel Castrillón, visitaron os lugares afectados nas parroquias de Santo Tomé e San Adriano.
Onte domingo desprazábanse 4 componentes da sección de atletismo das Escolas Maderas Barcia Lourenzá logrando 2 títulos:
Benxamín Feminino: Iria Rguez.
Infantil Feminino: Ainara Rguez.
Ademáis, en infantil masculino Aleix Díaz (subcampión) e na categoría alevín Brais Díaz 4º clasificado.
Acaba un histórico 2015 para Ainara Rodríguez. Cos seus 12 anos recén cumpridos, esta atleta de categoría infantil das Escolas deslumbrou este ano vencendo en 21 probas populares e máis de 7 probas federadas cando está a piques de rematar o 2015. E este número podería aumentar porque lle quedan un par de probas no calendario (Figueras, San Silvestre Ribadeo....).
Fantástica actuación de novo dos atletas das Escolas Lourenzá que debutaban participando este pasado domingo no duatlón de Viveiro; nunha proba que alternaban carreira, bici e de novo carreira.
Carmen López Diniz vencía na categoría xuvenil feminina con absoluta autoridade mentres o seu compañeiro Genito Pérez Goás remataba sucampión na categoría xuvenil masculina. Actuación sobresaínte tamén de Valeria Álvarez cun bronce na categoría alevín.
A alcaldesa de Lourenzá, Rocío López García, anuncia mediante un bando que dende onte, día 30 de novembro, está aberto o prazo para acollerse ás axudas do Programa de Rexeneración e Renovación Urbanas do Plan Estatal 2013/2016. A presentación das solicitudes debe realizarse nas Oficinas Municipais de Rehabilitación de Lourenzá de luns a venres en horario de 8 a 15 horas. A solicitude poderá facerse ata o vindeiro 30 de xaneiro.
O pasado sábado tres representantes das Escolas Lourenzá acudían ás pistas de Atletismo de Narón para a disputa do seu trofeo. Unha excepcional Ainara Rguez. impoñíase na carreira absoluta de 3000 m. lisos con atletas cadetes e xuvenís con unha marca de 11,27,02 e facía tamén o doblete coa victoria nos 60 lisos infantil con un tempo de 8,72. Aleix Díaz lograba tamén o doblete en 500 e 60. Marca estratosférica en 500 polas alturas da temporada nas que estamos con un 1,22,41 e victoria tamén nos 60 con 8,74.
A alcaldesa de Lourenzá, Rocío López, participou na mesa redonda que se celebrou esta pasada fin de semana na primeira Feira de Desenvolvemento Local que tivo lugar no municipio coruñés de Ames. Entre outras cuestións, a rexedora salientou a importancia de apostar pola creación de emprego no concello baseado nos recursos locais, aspecto que se comprometeu a impulsar dende o goberno municipal.
Galego
Español