Novas | Concello de Lourenzá

A BIBLIOTECA MUNICIPAL ORGANIZA UN ESPECTÁCULO DE MAXIA E MÚSICA DESTINADO AO PÚBLICO INFANTIL PARA FESTEXAR O DÍA DAS LETRAS GALEGAS. SERÁ O VINDEIRO MARTES, DÍA 16, NO SALÓN DE ACTOS DO CONCELLO

A biblioteca pública municipal de Lourenzá organiza un espectáculo de maxia e música destinado ao público infantil para festexar o Día das Letras Galegas. Será o vindeiro martes, día 16, ás doce do mediodía no salón de actos do Concello.

Esta actividade, a cargo de Álvaro Muras, leva por título Carlos Casares con maxia e música, e está incluída no programa Ler conta moito, da Xunta de Galicia.

O CONCELLO E A EMPRESA IG10 ASINARON UN CONVENIO PARA IMPARTIR CLASES DE PÁDEL NA PISTA MUNICIPAL

A alcaldesa de Lourenzá, Rocío López, e o xerente da empresa de xestión deportiva IG10, Ibán García, asinaron un convenio de colaboración entre o Concello e a firma para impartir clases de pádel na pista municipal. No acto estiveron presentes tamén o concelleiro de deportes, Francisco Dasilva, e o monitor do club Activity Center-IG10 Héctor López, que será o encargado da prestación do servizo.

O CONCELLO ANUNCIA QUE DESDE HOXE ATA O 7 DE XUÑO ESTÁ ABERTA A PRIMEIRA FASE DE PRESENTACIÓN DE SOLICITUDES PARA PARTICIPAR NO PROGRAMA DE TURISMO SOCIAL PARA MAIORES DO IMSERSO 2017-2018

O Concello de Lourenzá anuncia que desde hoxe ata o día 7 de xuño estará aberta a primeira fase de presentación de solicitudes para participar no programa de turismo social para maiores do IMSERSO 2017-2018.

O DÍA 31 DESTE MES REMATA O PRAZO PARA SOLICITAR AS ACTUACIÓNS GRATUÍTAS POLAS POSIBLES AFECTACIÓNS NA TELEVISIÓN DIXITAL TERRESTRE (TDT) OCASIONADAS POLOS NODOS 4G NA BANDA 800 MHZ

O día 31 deste mes de maio remata o prazo para solicitar as actuacións gratuítas polas posibles afectacións na televisión dixital terrestre ocasionadas polos nodos 4G na banda de 800 MHz.

Anunciouno hoxe a alcaldesa de Lourenzá, Rocío López, despois de recibir a seguinte comunicación:

O SALÓN DE ACTOS DO CONCELLO ACOLLEU UNHA CONFERENCIA SOBRE NUTRICIÓN DEPORTIVA A CARGO DA CAMPIOA DO MUNDO DE ATLETISMO CAROLINA GARCÍA

O salón de actos do Concello de Lourenzá acolleu unha conferencia sobre nutrición deportiva a cargo da atleta Carolina García, que foi campioa do mundo na categoría W35 en 200 metros aire libre no ano 2016 e conseguiu moitos títulos máis na súa carreira deportiva.

No acto, que foi presidido polo concelleiro de Deportes, Francisco Dasilva, a atleta fixo un breve percorrido pola súa traxectoria como deportista e salientou a importancia que ten unha boa alimentación sobre todo para a xente que practica algún deporte.