Novas

Ames (A Coruña), 6 de xullo de 2013.- O Día do Cooperativismo Galego celebrouse hoxe na localidade de Ames, onde tivo lugar a entrega de premios á cooperación 2013. A inauguración dos actos e entrega de premios estivo presidida pola conselleira de Traballo e Benestar, Beatriz Mato, quen indicou que a Xunta segue a apostar por esta fórmula empresarial, xa que afirmou que continúa a resistir á crise económica.

Lourenzá, 6 de xullo de 2013. O grupo de acordeóns de Viveiro actuará no salón de actos da Casa do Concello de Lourenzá o día 14 deste mes de xullo, domingo, ás oito e media da tarde. Dous compoñentes desta formación musical, Ángeles Cuadrado e Lino Rico, son laurentinos.

Lourenzá, 5 de xullo de 2013. A alcaldesa de Lourenzá, Emma Álvarez Chao, pide ós veciños do concello a través dun bando que tomen medidas de prevención e defensa contra os incendios forestais, recordando que os propietarios son os responsables de que as parcelas privadas entorno a núcleos habitados non favorezan á propagación de incendios.

A Mancomunidade de Concellos da Mariña Luguesa, a través do seu Servizo de Normalización Lingüística, organiza un Curso de preparación para o Celga destinado a toda a cidadanía mariñá.

O obxectivo principal deste curso é informar sobre os Celga, que é e como preparalo, facilitando as ferramentas lingüísticas e coñecementos necesarios para superar as probas que convoca anualmenta a Secretaría Xeral de Política Lingüística da Xunta de Galicia.

Lourenzá, 4 de xullo de 2013. O Concello de Lourenzá promove a celebración de tres cursos. Un deles é de manipulación de produtos fitosanitarios e comezará o día 15 deste mes. Os outros dous, de cata de viños e de normativa comunitaria vinculada á produción agrícola e gandeira, levaranse a cabo en caso de reunirse o número de inscritos necesario.

• Esta actuación mellorou e aumentou a capacidade da rede de abastecemento, e protexeu a contorna natural fronte a riscos de inundacións
• Hernández anunciou que o seu departamento continuará mellorando as infraestruturas do concello, no que levará a cabo o saneamento do núcleo rural do Requeixo, cun investimento de 270.000 euros
• A Dirección Xeral de Conservación da Natureza acometerá ademais as obras de adecuación do entorno do Muíño do Pereiro e da Ponte de Xuncal, e creará unha ruta de sendeirismo no Val de Lourenzá
• Xunta e concello asinaron recentemente un conve
  

Lourenzá, 2 de xullo de 2013. Dúas representantes da asociación Hijos de Lorenzana en La Habana, a irmás Julia e María del Carmen Baamonde Lombardero, e o empresario Ángel Hermida foron os principais protagonistas do acto celebrado este mediodía na Casa do Concello de Lourenzá, en cuxo salón de sesións foron colgados os cadros dedicados a estes dous fillos predilectos.

Lourenzá, 1 de xullo de 2013. O técnico de Deportes do Concello de Lourenzá quedou subcampión na categoría de veteranos da décimo primeira edición da carreira popular de Medal, no municipio asturiano de Coaña.

Nesta proba a sección de atletismo das Escolas Deportivas de Lourenzá e Mondoñedo conseguiu grandes resultados, xa que os seus representantes lograron unha decena de medallas

A carreira, organizada pola Sociedad Deportiva Medal, celebrouse o pasado sábado, 29 de xuño.

Lourenzá, 1 de xullo de 2013. A corporación local de Lourenzá ofrecerá mañá, martes, ás doce do mediodía unha recepción a representantes da asociación Hijos de Lorenzana en La Habana que están estes días visitando A Mariña. No mesmo acto colgaranse no salón de sesións municipal un cadro dedicado a ese colectivo e outro de Ángel Hermida, por ser fillos predilectos do concello.

Lourenzá, 1 de xullo de 2013. A alcaldesa de Lourenzá, Emma Álvarez Chao, destacou hoxe que o premio concedido ao proxecto elaborado polo técnico de emprego do Concello, José Cuadrado Oural, para a creación dunha cooperativa dedicada á comercialización da faba de Lourenzá demostra o interese da Xunta por esta iniciativa.