Novas

Dende a OMIX de Lourenzá (Oficina Municipal de Información Xuvenil; situada nas dependencias da Biblioteca Pública Municipal "Juana de Ibarbourou"), tramítanse ata o día 13 de abril as solicitudes de todos aqueles rapaces/as, interesados en participar nos Campamentos de Verán que organiza a Xunta de Galicia a través da Dirección Xeral de Xuventude e Voluntariado. Se estás interesado/a, infórmate en horario de 17 a 20h ou no teléfono 982 12 15 52 (no mesmo horario).

Lourenzá, 4 de abril de 2013. Despois da autorización que concedeu ao Concello de Lourenzá a Secretaría Xeral de Ordenación do Territorio e Urbanismo para a execución do Museo e Centro de Interpretación da Cultura dos Pazos Galegos a comisión municipal de goberno aprobou a licenza para iniciar a obra e tamén o procedemento para contratala, “que será a través de procedemento negociado sen publicidade, que é o que nos esixe a lei”, anunciou a alcaldesa, Emma Álvarez Chao.

Lourenzá, 3 de abril de 2013. O Concello de Lourenzá promove a creación dun grupo de sendeirismo no municipio e para iso convoca aos veciños interesados a unha reunión que se celebrará este venres, día 5, ás oito da tarde. O concelleiro de Deportes e Xuventude, Pablo Maseda, tamén anunciou hoxe que Lourenzá acollerá o día 13 deste mes, sábado, unha ruta de sendeirismo organizada pola asociación Pasada das Cabras, de Burela, coa colaboración do Concello laurentino.

RESULTADOS E CLASIFICACIÓNS

Lourenzá, 2 de abril de 2013. O Concello de Lourenzá da a coñecer dúas convocatorias de axudas da Xunta de Galicia que se poden solicitar a través da traballadora social municipal.

Unha delas é para a prestación económica de pagamento único por fillas ou fillos menores de tres anos, cunha contía de 360 euros. O prazo para solicitala remata o día 11 de maio deste ano.

A alcaldesa de Lourenzá, Emma Álvarez Chao, e traballadoras do Concello participaron nunha concentración e gardaron un minuto de silencio este mediodía en repulsa da violencia sexista, que se levou por diante a semana pasada unha nova vítima na nosa provincia, concretamente en Lugo capital. “Coa morte de cada muller a mans da súa parella a sociedade revive esta lacra social que non é máis que unha tráxica realidade levada adiante por uns covardes por medo ás decisións e aos ideais dos demais”, manifestou Emma Álvarez.

Lourenzá, 30 de marzo de 2013. O Concello de Lourenzá presentou hoxe a 17ª edición do concurso fotográfico Festa da Faba, que inclúe varias novidades respecto a anos anteriores e un premio de 500 euros para a mellor serie de fotos sobre A Mariña.

Lourenzá, 27 de marzo de 2013. A comisión de goberno do Concello de Lourenzá aprobou a solicitude de sete cursos para desempregados e acordou iniciar o expediente para asinar un convenio coa Consellería de Medio Ambiente para o arranxo da avenida de Soutelo, obra na que a Xunta de Galicia investirá 60.500 euros.

Hoxe conclúen en Lourenzá os obradoiros de baile moderno e hip hop que se viñeron celebrando desde o luns no ximnasio municipal organizados polo Concello. Nesta actividade participan unha vintena de nenos e nenas con idades comprendidas entre os 6 e os 12 anos repartidos en dous grupos.

Lourenzá, 26 de marzo de 2013. O Concello de Lourenzá, por medio da alcaldesa, Emma Álvarez Chao, asinou un convenio coa parroquia de Santa María de Valdeflores, a través do seu párroco, don Xosé Antonio Miguélez, “para permitir unhas visitas guiadas a todas aquelas persoas que queiran coñecer tanto a igrexa de Santa María, de Vilanova de Lourenzá, como o conxunto histórico do mosteiro de San Salvador, que está situado na mesma parroquia e que cumpre as funcións de templo parroquial.