Novas

Novas do Concello

O Concello conmemora o Día das Letras Galegas cun roteiro de 2,7 quilómetros polos lugares do municipio destacados na vida de Francisco Fernández del Riego

Lourenzá, 9 de abril de 2013. O Concello de Lourenzá conmemorará o Día das Letras Galegas o vindeiro 17 deste mes cun roteiro de 2,7 quilómetros polos lugares do municipio que foron destacados na vida de Francisco Fernández del Riego. Para esta actividade editouse unha guía e os interesados en conseguila deben inscribirse na biblioteca municipal en horario de cinco a oito da tarde ata o mércores día 15.

O Concello asinou o contrato para a construción do Museo e Centro de Interpretación da Cultura dos Pazos Galegos en Tovar. A alcaldesa, Emma Álvarez, explicou que a obra deberá estar rematada o 14 de xullo

Lourenzá, 8 de maio de 2013. O Concello de Lourenzá asinou coa empresa Copcisa o contrato para a construción do museo e centro de interpretación no Pazo de Tovar, obra que debe estar rematada o 14 de xullo deste ano.

Co arranxo dun muro en pedra na área recreativa da Fonte do Cura remataron as obras programadas no concello de Lourenzá para ser executadas polos alumnos do obradoiro de emprego

Co arranxo dun muro en pedra na área recreativa da Fonte do Cura, que está na parroquia de Santo Tomé, remataron as obras programadas no concello de Lourenzá para ser executadas polos alumnos do obradoiro de emprego que este Concello comparte con Barreiros e Mondoñedo. Esta actuación foi supervisada polo concelleiro de Obras, Dino Vidal.

A Festa do Maio de Lourenzá tivo que celebrarse nas dependencias da Casa do Concello debido ás adversas condicións meteorolóxicas que houbo onte

A Festa do Maio de Lourenzá tivo que celebrarse nas dependencias da Casa do Concello (vestíbulo, sala de exposicións e salón de actos) debido ás adversas condicións meteorolóxicas que houbo onte.

O Concello organiza a Festa do Maio, que se celebrará este mércores co tradicional desfile polas rúas de Vilanova e a actuación da Escola Municipal de Música e Danza Osorio Gutiérrez

Lourenzá, 29 de abril de 2013. O Concello de Lourenzá organiza a tradicional Festa do Maio co desfile polas rúas de Vilanova e a actuación da escola municipal de música e danza Osorio Gutiérrez, que se celebrará este mércores, día 1.

A Alcaldesa pechou coa Xunta e coa Fundación Penzol o calendario de actividades para conmemorar este ano o centenario do nacemento de Francisco Fernández del Riego. Os actos desevolveranse os días 17 de maio, 25 de xullo, 2 e 26 de novembro

Lourenzá, 26 de abril de 2013. A alcaldesa de Lourenzá, Emma Álvarez Chao, reuniuse co secretario xeral de Cultura da Xunta, Anxo Lorenzo Suárez, para pechar o calendario de actividades que se desenvolverán no municipio este ano para conmemorar o centenario do nacemento de Francisco Fernández del Riego. Os actos, nos que tamén colabora a Fundación Penzol, serán os días 17 de maio, 25 de xullo, 2 e 26 de novembro.

O Concello saca a concurso a xestión da cafetería do centro de servizos sociais, que está no Torreón do Mosteiro de San Salvador. A Alcaldesa explicou que estivo pechada durante uns meses á espera da prórroga do Bispado para a cesión temporal do local

Lourenzá, 24 de abril de 2013. O Concello de Lourenzá saca a concurso a xestión da cafetería do centro de servizos sociais, que está no torreón do mosteiro de San Salvador e mantívose pechada durante uns meses á espera da prórroga do Bispado para a cesión temporal do local.

A Alcaldesa asinou hoxe en Santiago un convenio co Conselleiro de Medio Ambiente para que a Xunta arranxe a Avenida de Soutelo cun investimento de 60.500 euros

Lourenzá, 23 de abril de 2013. A alcaldesa de Lourenzá, Emma Álvarez Chao, asinou hoxe en Santiago de Compostela un convenio co conselleiro de Medio Ambiente, Territorio e Infraestruturas, Agustín Hernández, para que este departamento da Xunta arranxe a avenida de Soutelo cun investimento de 60.500 euros.

O Concello conmemorará mañá, martes, o Día do Libro co espectáculo Cantacontos, a cargo da pontevedresa Raquel Galavís, no CEIP Juan Rey

Lourenzá, 22 de abril de 2013. O Concello de Lourenzá conmemorará mañá, martes, o Día do Libro, coa organización dun espectáculo denominado Cantacontos, a cargo da pontevedresa Raquel Galavís. Será na biblioteca do Ceip Juan Rey.

Os alumnos do Obradoiro de Emprego remataron as obras no campo de fútbol e arranxarán un muro de pedra en Santo Tomé

Lourenzá, 22 de abril de 2013. Os alumnos do obradoiro de emprego remataron a obra no peche do campo de fútbol de Lourenzá e arranxarán un muro de pedra en Santo Tomé.

O concelleiro de Obras, Dino Vidal, explicou que “finalizouse a obra no peche do campo de fútbol, que estaba pendente de rematar, traballos dos que se encargaron os operarios do obradoiro de emprego que temos en Lourenzá compartido cos municipios de Barreiros e Mondoñedo”.