Novas

Lourenzá, 25 de marzo de 2013. A alcaldesa de Lourenzá, Emma Álvarez Chao, critica ao goberno da Deputación Provincial de Lugo por seguir demorando a firma do convenio co Concello sobre a titularidade da estrada coñecida como Camiño A, que pasa polas parroquias de San Xorxe, Santo Tomé e San Adriano.

Un centenar de persoas participaron onte, xoves, na charla-coloquio sobre a Lei de Montes de Galicia organizada polo Concello de Lourenzá para conmemorar o Día Forestal Mundial e que correu a cargo do subdirector xeral de Prevención e Defensa contra os Incendios Forestais, Miguel Ángel Cela.

Lourenzá, 22 de marzo de 2013. A Casa do Concello de Lourenzá acolleu hoxe a presentación do libro titulado El pazo de Tovar: espacios, perspectivas, tiempos. Durante o acto a alcaldesa, Emma Álvarez Chao, destacou a importancia cultural e turística do edificio situado na parroquia de Santo Tomé e agradeceu a colaboración do seu propietario, José Ventoso.

Lourenzá, 21 de marzo de 2013. Ata o vindeiro 12 de abril está aberto o prazo para solicitar algunha das 603 prazas ofertadas pola Consellería de Traballo e Benestar dentro do programa Benestar en Balnearios.

Lourenzá, 20 de marzo de 2013. O libro titulado El Pazo de Tovar: espacios, perspectivas, tiempos será presentado no salón de actos da Casa do Concello de Lourenzá este venres, día 22 de marzo, á unha da tarde.

Os alumnos de Primaria do Ceip Juan Rey, de Lourenzá, visitaron hoxe a exposición Mulleres no obxectivo, composta por 23 imaxes de fotoxornalistas galegos, mostra que foi inaugurada con motivo da conmemoración do Día Internacional das Mulleres e que está aberta na Casa da Cultura de Lourenzá ata este venres, día 22. Recibiron as explicacións da técnica de Cultura do Concello, María José López Noceda.

Lourenzá, 19 de marzo de 2013. O polideportivo municipal de Lourenzá acollerá do 28 ao 30 deste mes de marzo a décima edición do torneo de baloncesto feminino que organiza o Concello e no que participarán equipos de catro comunidades autónomas. Na programación deste evento deportivo inclúense varias actividades paralelas.

Lourenzá, 14 de marzo de 2013. Co gallo do Día Forestal Mundial, que se celebra o vindeiro 21 de marzo, o Concello de Lourenzá organiza unha charla para “explicar a primeira lei de montes de Galicia, a lei 7/2012 de 28 de xuño, que xa está en vigor desde o 17 de agosto do ano pasado”, anunciou hoxe a alcaldesa, Emma Álvarez Chao, que na súa etapa como deputada autonómica foi poñente desa lei.

O pasado venres presentouse no Salón de Actos do Concello de Lourenzá a nova equipación das Escolas Deportivas para esta nova temporada, así como a renovación dos patrocinadores. No acto estiveron Emma Álvarez Chao, alcaldesa de Lourenzá; Pablo Maseda Fdez, concelleiro de Deportes; e os capitáns do primeiro equipo Dani Rego, Montxinho Seivane, David "Garrafín" e Iván Recalde.

83 alumnos de 6 a 12 anos de idade do Ceip Juan Rey, de Lourenzá, participaron hoxe na primeira sesión do obradoiro de baile moderno e hip hop organizado pola Concellería de Educación, da que é responsable Lupe Flórez Seivane. Esta actividade continuará en Semana Santa (dende o luns 25 ata o mércores 27 deste mes) e poderán participar nenos e rapaces de 6 a 24 anos. Os interesados deben anotarse na biblioteca pública municipal en horario de cinco a oito da tarde. O prazo de inscrición remata o xoves, 21.