Novas

Lourenzá, 15 de outubro de 2013. O Concello de Lourenzá e a Diocese Mondoñedo-Ferrol instalaron un sistema para escorrentar as pombas da fachada da igrexa de Santa María de Valdeflores, onde despois limparán os excrementos destas aves seguindo as directrices técnicas de Patrimonio.

Rematou o obradoiro de cestos e esculturas organizado pola asociación de veciños O Refugio, de San Xurxo (Lourenzá). Foi impartido por Lola Tourón, financiouno a Deputación Provincial de Lugo e o Concello de Lourenzá colaborou coa cesión das instalacións onde se levou a cabo.

No cto. Galego por equipos disputado en O Barco de Valdeorras, o equipo Alevín Feminino rematou en 4ª posición da clasificación xeral nunha categoría onde venceu o equipo Vila de Cangas de Vigo.

As nosas atletas rendiron a un gran nivel, rematando nas seguintes posicións:

Aroa Sordo: 60 metros lisos. / 4ª Clasificada.

Ainara Rguez: 500 metros lisos. / 2ª Clasificada.

Ana Vallines: 1000 metros lisos. / 1ª Clasificada

Mencía Martínez-Sierra: 2 kilómetros marcha. / 5ª Clasificada

Lourenzá, 14 de outubro de 2013. O salón de actos da Casa do Concello de Lourenzá acollerá mañá, martes, día 15 de outubro, ás 20 horas unha charla sobre axudas para plantacións forestais e especialmente para castiñeiros de froito.

Lourenzá, 12 de outubro de 2013. O Concello de Lourenzá mellorará estradas da rede viaria municipal en todas as parroquias cun investimento de 79.405 euros. As obras estarán rematadas no primeiro semestre do vindeiro ano 2014, segundo anunciou o concelleiro Dino Vidal.

Lourenzá, 11 de outubro de 2013. Esta semana empezaron as obras para mellorar as instalacións do campo de fútbol de Santa Cruz, actuación que conta cun investimento de 25.000 euros por parte do Concello de Lourenzá e da Xunta de Galicia.

Lourenzá, 10 de outubro de 2013. O Concello de Lourenzá organiza tres charlas para desenvolver ao longo do presente mes de outubro, segundo daba a coñecer esta mañá a alcaldesa, Emma Álvarez Chao.

Este vindeiro sábado día 12 de Outubro os equipos alevín masculino e feminino das E.D. Lourenzá Mondoñedo desplazaranse ata o Barco de Valdeorras para participar no Cto. Galego por Equipos. Ademáis dos nosos pupilos, estarán clubs de renome loitando polo pódium e que son: Franciscanos de Lugo, Afflelou Narón, o anfitrión Adas, Vila de Cangas (Vigo) e Club Atletismo Sada.

Na categoria Alevín Masculino a escuadra estará formada por:

Xoel Otero: 60 metros lisos.

Aleix Diaz: 500 metros lisos.

Adnan Itrih: 1000 metros lisos.

Lourenzá, 8 de outubro de 2013. Dende o 1 de xaneiro ata o 30 de setembro deste ano 2013 pasaron por Lourenzá 2.751 peregrinos. Este dato foi dado a coñecer hoxe pola alcaldesa, Emma Álvarez Chao, quen destaca a importancia que ten o Camiño de Santiago para a economía do concello.