Novas

Lourenzá, 26 de decembro de 2013. Papá Noel estivo en Lourenzá nun percorrido organizado polo Concello e visitou o centro de día para maiores, o punto de atención á infancia Meniños e a Casa do Concello. As actividades da programación de Nadal rematarán o día 5 de xaneiro, domingo, coa cabalgata dos Reis Magos e o estreo do grupo de teatro infantil.

Este domingo, día 22 de Decembro de 2013, a Asociación de Sendeirismo Terras de Lourenzá, percorreu a Serra de Meira, dende o Pedregal de Irimia ata o Alto da Carota, un tramo duns 14 km. Depois de pelexarnos coa néboa no primeiro tramo da ruta, poidemos disfrutar dos encantos destes paraxes coas súas espectaculares vistas e no medio dun ambiente outonal impresionante.

Este domingo, día 22 de Decembro de 2013, a Asociación de Sendeirismo Terras de Lourenzá, percorreu a Serra de Meira, dende o Pedregal de Irimia ata o Alto da Carota, un tramo duns 14 km. Depois de pelexarnos coa néboa no primeiro tramo da ruta, poidemos disfrutar dos encantos destes paraxes coas súas espectaculares vistas e no medio dun ambiente outonal impresionante.

Lourenzá, 23 de decembro de 2013. Na charla organizada polo Concello de Lourenzá para este mes de decembro, que se celebrou o xoves da semana pasada, o laurentino Jesús Sánchez Rocha, que é enxeñeiro de Montes e profesor de Industrias Forestais na Escola Politécnica Superior de Lugo, falou sobre a situación actual e o futuro do sector forestal.

No día de onte domingo desprazáronse os compoñentes das Escolas á prestixiosa Corre con Nós en Lugo que era tamén a Lugo Monumental dos 10 kilómetros para a proba absoluta.

Ver resultados en PDF

Lourenzá, 19 de decembro de 2013. Os alumnos do taller de memoria do Concello de Lourenzá participaron nunha festa de Nadal, na que houbo regalos, chocolatada e panxoliñas.

No festexo os asistentes repartiron regalos entre eles co sistema do amigo invisible, tomaron chocolatada con roscón, brindaron cunha copa de sidra e cantaron panxoliñas.

Nos actos participaron a alcaldesa, Emma Álvarez Chao, e a concelleira de Educación, Cultura e Turismo, Lupe Flórez Seivane.

Lourenzá, 17 de decembro de 2013. A concelleira de Educación e Cultura en Lourenzá, Lupe Flórez Seivane, anunciou a programación organizada polo Concello para este Nadal, que comezará este domingo 22 cun concerto de canto. E ata o 8 de xaneiro haberá actividades como a visita de Papá Noel, a cabalgata dos Reis Magos, o estreo do grupo municipal de teatro infantil e obradoiros.

A Asociación de Sendeirismo Terras de Lourenzá rematará este seu primeiro ano cunha última andaina, desta vez botarase a andar pola Serra de Meira, para facer a Ruta Miño-Eo, o tramo Pedregal de Irimia - A Carota podendo disfrutar dunha paisaxe incomparable e pasmosa. Será este mesmo domingo, día 22 de Decembro. Trátase dun paseo de 14 km e de dificultade media/alta.

Lourenzá, 13 de decembro de 2013. O Concello de Lourenzá actualizará a partir do día 1 de xaneiro do vindeiro ano 2014 os datos para cobrar a todos os usuarios do servizo municipal de recollida de residuos sólidos urbanos as cantidades que lles corresponden. A alcaldesa, Emma Álvarez Chao, explicou hoxe que o obxectivo desta medida é que todos os veciños paguen o que lles pertence e así evitarase ter que aplicar integramente a suba do 34 por cento que vai levar a cabo a empresa Sogama.

Lourenzá, 12 de decembro de 2013. A charla informativa deste mes organizada polo Concello está programada para o día 19, xoves, ás 21 horas no salón de actos da Casa do Concello e tratará sobre o sector forestal galego. Correrá a cabo do laurentino Jesús Sánchez Rocha, que é doutor enxeñeiro de Montes e profesor de Industrias Forestais na Escola Politécnica Superior de Lugo.