Novas

Lourenzá, 10 de agosto de 2015. A Xunta de Galicia iniciou as  obras de construción dunha escollera que permitirá mellorar os accesos ao lugar da Tilleira, na parroquia de Santa María. As choivas caídas no termo municipal de Lourenzá o pasado mes de decembro de 2014 fixeron que o talude desta estrada se desprendese  e a vía  que da acceso ao barrio da Tilleira quedase case totalmente descolgada,  o que supoñía un perigo para vehículos e viandantes, explicou a alcaldesa, Rocío López. 

As E.D. Lourenzá tratarán esta vindeira temporada de dar de alta un novo equipo en competición oficial que non tíñamos a temporada pasada, neste caso o equipo júnior. Para eso estarán ó fronte desa labor Laura Fdez. e Ainhoa Vega (xogadoras do equipo de autonómica) que asumen este reto con moitísima ilusión.

O equipo estará formado por varias xogadoras que pasan da idade cadete así como tres incorporacións procedentes do Celtas Foz: Rosalía Rguez, Antía Río e María Pérez.

Onte venres ás 19:00 horas presentaronse oficialmente os equipos de fútbol infantil e cadete no municipal de Sta. Cruz. No acto estiveron os presidentes das entidades que loitan conxuntamente formando os xogadores de Lourenzá e de Mondoñedo por quinto ano consecutivo; Pablo Maseda e Manuel Barreira. Ademáis estivo presente o Concelleiro de Deportes de Lourenzá Francisco Dasilva; así como numerosos pais e aficionados de ambos clubes.

Mañá venres día 7 de Agosto faremos a presentación dos equipos federados das Escolas que inician antes a súa actividade deportiva.

Ás 19:00 horas en Sta. Cruz están citados os xogadores de fútbol infantil e cadete e sobre as 21:00 horas tocará o turno para os equipos federados de basket.

En ambas citas daranse a coñecer os adestradores para esta vindeira temporada así como a planificación a seguir cos distintos equipos.

Dende o día de hoxe está aberto o prazo de inscripción das Escolas Deportivas para a temporada 2015 - 2016 e finalizará o mércores día 23 de setembro.

Os alumn@s das Escolas por 6 euros ó mes poden anotarse en todas as actividades que se ofertan, que un ano máis van dende o fútbol, fútbol sala, campo a través, atletismo, baloncesto, bádminton, tenis de mesa ata o patinaxe artístico.

Lourenzá, 3 de agosto de 2015. O Punto de Atención á Infancia (PAI) Meniños, de Lourenzá, festexou o pasado venres a festa de fin de curso cunha tarde de xogos e merenda na que participaron os nenos e nenas do centro, así como as familias e as educadoras. Aínda que o lugar previsto para a festa era a área recreativa da Cazolga, o mal tempo non o permitiu e o acto tivo que trasladarse ao recinto feiral de Lourenzá.

Descargar anuncio en pdf

Lourenzá, 30 de xullo de 2015. O pazo de Tovar, en San Tomé de Lourenzá, será este próximo domingo, 2 de agosto o escenario da presentación da obra titulada Catalina de Santisso, unha novela histórica de Aurora García Rivas. A cita será ás 19:30 horas e o lugar escollido non é casual, xa que parte da acción da novela transcorre no propio Pazo de Tovar no século XVI.

O curso de técnicas de estudo organizado pola Concellería de Educación de Lourenzá e impartido por Espazo Garabatos comezou o pasado luns, 27 de xullo, con todas as súas prazas completas. Así o explicou a alcaldesa de Lourenzá, Rocío López García, que presentou esta actividade acompañada do concelleiro de Educación e Cultura, Manuel Arango Ron. A formación está dirixida a nenos e nenas entre os 10 e os 14 anos e impártese os luns, mércores e venres en sesións de hora e media, ao longo de 10 sesións.

A terceira temporada do primeiro equipo de basket das Escolas que milita en Categoría Nacional será co nome deportivo de MoranGrupo, empresa afincada en Mondoñedo e que engloba diferentes ramas do transporte; dende buses e microbuses, aluguer de vehículos, transporte sanitario.... que colabora dende fai varios anos co deporte de A Mariña e agora o fará tamén co deporte do baloncesto feminino en particular.