Novas

Novas do Concello

COS ACTOS CELEBRADOS ONTE REMATARON AS ACTIVIDADES ORGANIZADAS POLO CONCELLO NESTE ANO DEDICADO A FRANCISCO FERNÁNDEZ DEL RIEGO. A ALCALDESA FIXO HOXE UN BALANCE MOI POSITIVO DESTA INICIATIVA E ANUNCIA QUE PROXECTA TER DE FORMA PERMANENTE A RUTA LITERARIA

Lourenzá, 27 de novembro de 2013. Cos actos celebrados onte remataron as actividades organizadas polo Concello de Lourenzá neste ano dedicado a Francisco Fernández del Riego. A alcaldesa, Emma Álvarez Chao, fixo hoxe un balance moi positivo desta iniciativa e anunciou que o goberno municipal proxecta ter de forma permanente a ruta literaria sobre don Paco que se percorreu o 25 de xullo.

A ALCALDESA CRITICA AOS REPRESENTANTES DE PSOE E BNG NA DEPUTACIÓN DE LUGO POR VOTAR NO PLENO DE HOXE EN CONTRA DA TRANSFERENCIA DO VIAL COÑECIDO COMO CAMIÑO A Á REDE DE ESTRADAS DO ENTE PROVINCIAL

Lourenzá, 26 de novembro de 2013. A alcaldesa de Lourenzá, Emma Álvarez Chao, asistiu hoxe ao pleno da Deputación de Lugo no que os representantes de PSOE e BNG votaron en contra da transferencia do vial coñecido como Camiño A á rede de estradas do ente provincial. Por este motivo a rexedora critica aos deputados provinciais socialistas e nacionalistas.

A MARCHA CONTRA A VIOLENCIA DE XÉNERO PERCORREU AS RÚAS DE VILANOVA DESPOIS DA PRESENTACIÓN DO PLAN MUNICIPAL DE IGUALDADE DE OPORTUNIDADES ENTRE HOMES E MULLERES. OS ACTOS REMATARON COA LECTURA DUN MANIFESTO E COA SOLTA DE GLOBOS MALVA

Lourenzá, 25 de novembro de 2013. A marcha contra a violencia de xénero organizada polo Concello de Lourenzá percorreu as rúas de Vilanova despois do acto de presentación do plan municipal de igualdade de oportunidades entre homes e mulleres. Os actos remataron coa lectura dun manifesto por parte da concelleira de Educación e Cultura, Lupe Flórez Seivane, e coa solta de globos de cor malva que portaban os participantes na mobilización.

PLAN DE IGUALDADE DE OPORTUNIDADES ENTRE HOMES E MULLERES DO CONCELLO DE LOURENZÁ

Descargar o PLAN DE IGUALDADE DE OPORTUNIDADES ENTRE HOMES E MULLERES DO CONCELLO DE LOURENZÁ en PDF.

AS ACTIVIDADES DO ANO DEDICADO A FRANCISCO FERNÁNDEZ DEL RIEGO REMATARÁN MAÑÁ MARTES, DÍA 26, COA INAUGURACIÓN DUNHA EXPOSICIÓN E UNHA LOA A DON PACO A CARGO DO SECRETARIO XERAL DE CULTURA DA XUNTA, ANXO LORENZO

Lourenzá, 25 de novembro de 2013. As actividades do ano dedicado polo Concello de Lourenzá a Francisco Fernández del Riego rematarán mañá martes, día 26, coa inauguración dunha exposición e unha loa a don Paco diante do seu busto a cargo do secretario xeral de Cultura da Xunta, Anxo Lorenzo.

A XUNTA DE GALICIA MELLORA AS CONDICIÓNS DE SEGURIDADE E TRÁNSITO PEONIL NAS RÚAS FERNÁNDEZ DEL RIEGO E MUÍÑO DO FRADE DO CONCELLO DE LOURENZÁ

RESOLUCIÓNS DA ALCALDÍA CO NOMEAMENTO DO TRIBUNAL DE SELECCIÓN PARA OS POSTOS DE OFICIAL DE 1ª E DE PEÓN DE ALBANELERÍA

Resolución da Alcaldía - Oficial de Albañilería

Resolución da Alcaldía - Peón de Albañilería

A ALCALDESA DENUNCIA AS CONTINUAS DISCRIMINACIÓNS AO CONCELLO POR PARTE DA DEPUTACIÓN DE LUGO, COMO NA VISITA QUE FIXO ONTE AO MUNICIPIO A VICEPRESIDENTA LARA MÉNDEZ.

Lourenzá, 22 de novembro de 2013. A alcaldesa de Lourenzá, Emma Álvarez Chao, denuncia as continuas discriminacións a este Concello por parte da Deputación de Lugo, como na visita que fixo onte ao municipio a vicepresidenta do organismo provincial Lara Méndez, acto ao que non foi convidada a rexedora local. Ademais Emma Álvarez critica aos concelleiros da oposición (PSOE e BNG) por non renunciar ás dietas pola asistencia ao pleno extraordinario convocado para pedir que se cambien as bases do plan de emprego da Deputación.

A ALCALDESA ASINARÁ UN CONVENIO CO CONSELLEIRO DE MEDIO AMBIENTE PARA FACER MELLORAS NAS RÚAS FERNÁNDEZ DEL RIEGO E MUÍÑO DO FRADE. TAMÉN SE DEU A COÑECER QUE O MUNICIPIO CONTA CO SERVIZO DE HOSPITALIZACIÓN A DOMICILIO

Lourenzá, 22 de novembro de 2013. A alcaldesa de Lourenzá, Emma Álvarez Chao, asinará un convenio co conselleiro de Medio Ambiente, Territorio e Infraestruturas, Agustín Hernández, para facer obras de mellora nas rúas Fernández del Riego e Muíño do Frade. Foi aprobado en xunta de goberno local, na que ademais deuse a coñecer que o municipio conta co servizo de hospitalización a domicilio, do que xa se beneficia un veciño.

O CONCELLO INSTALOU NA SÚA PÁXINA WEB UN CALENDARIO NO QUE SE INCLÚEN OS ACTOS QUE HAI CADA DÍA NO MUNICIPIO. A ALCALDESA PIDE A COLABORACIÓN DOS COLECTIVOS LOCAIS PARA QUE APAREZAN AS ACTIVIDADES QUE ORGANIZAN TODOS ELES

Lourenzá, 21 de novembro de 2013. O Concello de Lourenzá instalou na súa páxina web un calendario no que se inclúen os actos que hai cada día no municipio. A alcaldesa, Emma Álvarez Chao, pide a colaboración dos colectivos locais para que aparezan as actividades que organizan todos eles.