Novas

O Concello súmase aos actos de conmemoración do día internacional contra a violencia de xénero e presenta un programa de actos para o martes, 25 de novembro, no que destacan a lectura dun manifesto contra a violencia de xénero e a colocación dun mural branco na praza do Conde Santo, para que os visitantes e veciños deixen impregnadas en color malva as súas mans como sinal de repulsa contra este tipo de violencia.

Quince persoas participan no curso de iniciación á cestería que se desenvolve no centro social de San Xorxe. Esta actividade está organizada polo Concello de Lourenzá en colaboración co Centro de Artesanía e Deseño (CENTRAD).

En principio había unicamente dez prazas pero debido a gran demanda existente houbo que ampliar a 15 e aínda así algúns dos inscritos tiveron que quedar en lista de espera para cando se organice outro curso deste tipo.

A alcaldesa de Lourenzá, Emma Álvarez Chao, anunciou que o banco municipal de material ortoprotésico recibiu a doazón dunha grúa por parte da empresa Noceda Asesores.

Hoxe abriuse o prazo para que os comerciantes que desexen participar no II Mercado de Nadal de Lourenzá poidan facelo inscribíndose antes do 5 de decembro no teléfono 658.04.40.39. Este mercado está organizado pola asociación de comerciantes, industrias e autónomos de Lourenzá (ACIAL) en colaboración co Concello e levarase a cabo o fin de semana do 20 e 21 de decembro. Nel poderán participar tódolos membros da asociación de comerciantes, que non precisarán levar a cabo inscrición algunha.

A Concellería de Cultura do Concello de Lourenzá presenta unha nova actuación teatral no municipio para o vindeiro sábado 22 de novembro. Este día a partir das 8 da tarde o Grupo de Teatro de Ribadeo interpretará, no Salón de Actos da Casa do Concello, a súa obra Os Putativos. A actividade forma parte do proxecto Buxiganga, unha iniciativa cultural posta en marcha pola Área de Cultura da Deputación de Lugo. O custe da entrada terá un prezo de 1 euro por asistente.

O pasado domingo día 16 os atletas de Maderas Barcia competiron no Cto. Provincial de Atletismo dentro da III LIGA FEDERADA organizada pola Federación Galega de Atletismo.

O ente Augas de Galicia, que pertence á Consellería de Medio Ambiente, limpará a canle do río Baos, en Lourenzá, para intentar evitar desbordamentos como o que houbo o pasado 15 de outubro. A alcaldesa, Emma Álvarez Chao, reuniuse hoxe en Santiago co director da administración hidráulica autonómica, Gonzalo Mosquera, para abordar este asunto.

O pasado domingo a atleta de Maderas Barcia Ainara Rguez. volvía a demostrar que está nun momento de forma envidiable. A pesar de pasar de categoría alevín a infantil e ser unha atleta de primeiro ano foi capaz de impoñerse na prestixiosa carreira de Ferrol o pasado domingo día 9 de novembro diante de preto de 100 atletas.

Nesta prestixiosa "II Edicion Contra el Cancer - Corre por Ferrol" Ainara Rguez impoñíase con un tempo en meta de 3,55 despois de percorrer 1100 metros.

O salón de actos da Casa do Concello de Lourenzá acollerá representacións teatrais os sábados 15 e 22 deste mes.

A concelleira de Cultura, Lupe Flórez Seivane, anunciou hoxe que “outro mes de novembro máis, como xa ven sendo habitual nos últimos anos, teremos un novo ciclo teatral con dúas obras, que van representarse os sábados 15 e 22 de novembros no salón de actos. Enmárcanse dentro do ciclo Buxiganga 2014, da Área de Cultura da Deputación Provincial de Lugo”.

O venres 14 de novembro levarase a cabo no salón de actos da Casa do Concello de Lourenzá un seminario gratuíto sobre agricultura e gandería ecolóxicas. A actividade desenvolverase en horario de 10 a 14 horas pola mañá e de 16 a 18 horas pola tarde. Os interesados poden realizar xa as súas inscricións na Casa do Concello, a través do teléfono 678.64.55.49 ou no enderezo electrónico asociación.dpe@gmail.com.